Dünən “Yeni Müsavat” qəzeti bu barədə xəbər yayıb.
“Populyar estrada müğənnisi Röya Nəcəfova həbs edilə bilər. Çünki, hazırda Ağır Cinayətlərə Dair İşlər üzrə Məhkəmədə 14 nəfərdən ibarət narkodəstə ilə bağlı gedən məhkəmə prosesində onun da adı hallanır. Amma Röyanın həbsinə başqa, bir qədər şəxsi xarakter daşıyan daha ciddi mülahizələr səbəb ola bilər.” Dünən “Yeni Müsavat” qəzeti belə yazıb. Qəzet, adını qeyd etmədiyi mötəbər mənbəyə istinad edərək, yazır: - “Əslində ekstazi işi ilə bağlı Röyadan əvvəl də bir neçə sənətçinin adı hallanıb. Bu sırada müğənnilər Brilliant Dadaşova və Aygün Kazımova da var. Təbii ki, onlar bu işə bilavasitə yox, dolayısı ilə aiddir. Röya ilə məsələ isə fərqlidir. Məsələn, o özü də etiraf edir ki, narkobandanın başçısı Yalçın Həsənovla çox yaxın münasibətləri olub. Məsələnin digər tərəfi odur ki, Röya Azərbaycanın tanınmış iş adamlarından olan “Çudo peçka” mağazalar şəbəkəsinin sahibi Çingiz Cəlilovun oğlu Anarla rəsmi nigah bağlayıb.” Maraqlı məqam isə budur ki, qəzetin fərziyyəsinə görə, Anarın ailəsi onu Röyadan ayırmaq üçün yaranan bu fürsətdən istifadə edərək, müğənnini həbs etdirəcək.